BERLIN– Kryeministri Edi Rama jatë fjalës ë tij në konferencën e përbashkët me kancelarin gjerman Olaf Scholz në Berlin tha se vendet e rajonit duhet të marrin shembull Shqipërinë për realizimin dhe efektet e Reformës në Drejtësi. Sipas tij drejtësia tani po funksionon edhe për njerëz shumë afër qeverisë.
Edi Rama: Përsa i përket samitit është kënaqësi, nder dhe shprehje besimi e qeverisë dhe kancelarit që samiti vjen në rajon dhe vjen në Tiranë. Nuk diskutohet që samiti i dhjetorit ka lënë një gjurmë të thellë te ne dhe kjo është barrë për të fituar respektin dhe për të thelluar rrugën tonë për të qenë një vend gjithnjë e më evropian. Një vend shembull në luftën kundër korrupsionit, jemi vend i vetëm në rajon që falë Reformës në Drejtësi e kemi ngritur stekën atje ku nuk ka qenë. Rajoni duhet të marrë shembull nga ne. Drejtësia nuk do të dijë për pushtetin. Ka ende shumë për të bërë por ka ardhur dita që atë që nuk e besonte askush është bërë fakt. është fakt që njerëz të lidhur me qeverinë shkojnë para drejtësisë. Këto janë shenja domethënëse të një rruge që vazhdon. Procesi i Berlinit është krijuar për ta shtyrë më tej këtë rrugë. Kombinimi i Procesit të Berlinit dhe kombinimi Francë-Gjermani për normalizimin e marrëdhënieve Kosovë-Serbi, e plotësojnë këtë kaudër. Optimistë për të nesërmen e rajonit.
