FIER– Kryeministri Edi Rama e ka ndalur turin e tij të falenderimeve në Fier ku zhvilloi një takim me socialistët e qytetit. Gjatë fjalës së tij Rama nuk i kurseu batuat me qytetarët por as kritikat për të tijët. Ashtu si dhe më parë kreu i qeverisë u ndal tek Kadastra që sipas tij është turpi i socialistëve në qeverisje. Por Rama premtoi një reformim të plotë të saj brenda muajit qershor.
Edi Rama: Uluni qetësohuni. Ka mbaruar fushata. është një takim që vjen pas fushatës. Një rezultat që na ngarkon me shumë përgjegjësi. Ne nuk jemi as në vitin e parë dhe as në të 2 por në mesin e mandatit të tretë, kemi marrë rezultatin më të mirë historik të PS duke marrë jo thjesht numrin më të madh.. Do shkosh ti qetësosh…( i thotë Subashit për turmën) Nuk kam nevojë më. Sot është dita për të falenderuar shumë njerëz por jo mua. Eshtë produkt i një pune i një angazhimi i një përkushtimi po aq të jashtëzakonshëm sa rezultati. Ka një të vërtetë të rëndësishme që është ajo e një force politike të përbërë nga shumë njerëz që japin gjithçka që nuk janë në ekrane dhe poste, por pa ata PS nuk do ekzistonte, janë anëtarët e PS, të Fierit, Mallakastrës.. që treguan se nuk ka limit për të arritur rezultate të mira e se ajo punë që është bërë përtej rezultateve është kthyer në një rezultat të jashtëzakonshëm ku PS ka qenë e mobilizuar dhe ka sjellë në kutinë e votimit numrin më të madh të votave. Sigurisht zgjedhësit janë më shumë se anëtarët tanë të opozitës, dhe dua ti falenderoj të gjithë ata që në 14 maj na dhanë besimin e madh. Është shprehje e një pritshmërie të lartë dhe e një rreziku të madh. Ne nuk e kuptojmë sic duhet këtë rezultat. Por ka edhe një element tjetër që është mos ardhja në votimin e shumë demokratëve, e shumë që janë pozicionuar shumë nga ne, që kanë të pamundur të kapërcejnë ylberin. Nuk deshën ta ndyjnë dorën, duke vendosur kryqin e votës aty ku s’kishte asnjë të ardhme, aty ku hijet e shkuarës paraqiten si një koalicion që nuk ofron asgjë, është një turp në fletët e votimit, është një turp që na rëndon të gjithëve. Por duhet ta kuptojmë shumë mirë se ky rezultat është shpërblimi i një pune të madhe të shumë njerëzve. Është shëmbëlltyra e besimit që njerëzit se ne mund ti plotësojmë kërkesat dhe nevojat e paplotësuara. Se pavarësisht se kemi bërë gabime që nuk i mohojmë dot, s’i kemi bërë kolektivisht, por kemi përgjegjësi, njerëzit na kanë dhënë besimin, duke mos reshtur për të bërë gjërat që duhen bërë, apo gjërat që kanë pritur kohën për tu bërë. Ne të mos bëjmë gabimin e madh të të kuptuarit të rezultatit, si shpehje kënaqësie për punën tonë, është besim PO, por një besim jo me kohë të pakufizuar. Se unë mendoj që për të marrë nje shembull: se ata që na kanë votuar, nuk mund të presin edhe 10 vjetë të tjera, për të mos pasur andralla me kadastra, me titujt e pronësisë, me regjistrimin e tokës së tyre. Fatkeqësisht akoma, përsëri kemi dasastrën që është portreti i turpit tonë. Kadastra është portreti i turpit tonë. Janë pjesë e një procesi sepse nuk mund të bëhen dot të gjitha përnjëher se janë pjesë e kësaj kontrate që ne kërkuam që qytetarët e nënshkruan dhe tani jemi ne ata që do e zbatojnë. Njerëzit na kanë dhënë një kredi të lartë. Kush mendon se është kredi me interesa të ulëta e ka gabim. Kemi punuar për këtë ditë, duhet ta përmbysim rendin që ekziston, dyert e Kadastrave duhet t’i mbyllim, qytetarët s’do kenë nevojë të shkojnë. Brenda muajit që jemi do e bëjmë dhe prezantimin e këtij transformimi, për t’ja hequr këtë barrë njerëzve. Do transformojmë procesin e prokurimeve. Do nënvizojmë dicka të rëndësishme, nuk ndodh që të përmbushen të gjitha pritshmëritë. Ka dicka që duhet t’ia plotësojmë, kjo është dicka që duhet të jetë pika e parë e programit, njerzillëku. Pavarësisht se cfarë statusi social janë. Nëse bëhet kjo është bërë dicka shumë e rëndësishme, nëse nuk bëhet cdo gjë që mund të bëhet nuk ka vlerën e asaj që mund të ketë. Duhet ta bëjmë bashkinë shumë të hapur.
