Ditën e djeshme, Kryeministri Rama, zhvilloi një takim në Kosovë me Presidenten Osmani, por u refuzua për një takim nga Albin Kurti. Kjo situatë është biseduar dhe ditën e sotme në konferencën oër shtyp që ai po zhvillon në Malin e Zi.
Rama është shprehur se ka shkuar në Kosovë për një qëllim, për të pasur një takim me Kurtin si Kryeministër i Shqipërisë dhe për të biseduar me njeri-tjetrin pasi Rama nuk ka asnjë problem me qeverinë e tij.
Rama: Nuk shkova në Prishtinë për t’u martuar me Albinin. Unë shkova për të pasur takime si kryeministri i Shqipërisë dhe në mënyrën më absolute nuk kam asnjë problem personal dhe aq më pak institucional. Kam vetëm qëndrime të kundërta. Unë thjeshtë thashë që pavarësisht se cili është qëndrimi i BE për Procesin e Berlinit, kryeministri i Kosovës do të jetë i ftuar, përtej faktit që ndoshta nuk duhet ta ftojnë. Në Tiranë, Albin Kurti është në shtëpinë e vetë, e siç e keni parë është i lirë të futet në zgjedhje.
Pas fjalimit të Ramës, Abazovic ka ndërhyrë duke thënë se cdo konflikt ndërkombëtar është gabim dhe se në Malin e Zi janë të mirëpritur të gjithë kryeministrat nga rajoni.
Abazoviç: Unë mendoj që çdo konflikt me ndërkombëtarët është gabim. Mendoj që duhet të shkojë mes firmosjes së marrëveshjes. Do të ishte një “boost” i mirë për të gjithë rajonin që jemi më afër. Në emër të Malit të Zi, këtu çdo kush është i mirëseardhur dhe dera është e hapur për çdo kryeministër nga rajoni.
