Si në çdo takim tjetër të zhvilluar në Diasporë, edhe në qyetin e Selanikut, kryeministri Edi Rama është shoqëruar nga ushtria e patronazhistëve. Këtë herë ka qënë “ekipi i patronazhistëve të Korçës”, i cili është angazhuar maksimalisht për takimin e mbajtur në hotel Porto Palace, duke udhëtuar drejt Greqisë fqinje që ditën e shtunë.
Në përpjekje për të shmangur kamerat dhe vëmendjen e mediave, kreu i NSHP-së Korçë, Ilir Dinellari, udhëheqësi i grupit të puntorëve të tjerë të administratës së Bashkisë Korçës, ësht nisur drejt Selanikut, për të marrë pjesë në takimin e kryeministrit me Diasporën. Dinellari ka pushtuar mediat disa herë me bëmat e tij, teksa në investigimin e fundit të bërë nga emisioni investigativ “Piranjat”, u vërtetua se ai kishte shpenzuar plot 3.063.534 lekë benzinë në vetëm një vit e gjysmë.
Burime pohojnë për “Newszone”, se qindra punonjës së administratës së qarkut të Korçës, kanë udhëtuar me autobusë dhe makina private drejt Selanikut, ndërsa nuk ka munguar një organizim i tillë, edhe në qytetin e Librazhdit.
