VLORË– Pas kthimit nga Britania e Madhs kryeministri Edi Rama ka shkuar në Vlorë këtë të shtunë ku pritet të zhvillojë një takim me me asamblenë e PS-së. Mbledhja e Asamblesë së PS-së do të zhvillohet në teatrin ‘Petro Marko’, ndërsa në orën 11, po në ambjentet e teatrit, do të zhvillohet aktiviteti përmbyllës për 100-vjetorin e klubit Flamurtari.
Kreu i qeverisë njëherazi numri i një i socialistëve shoqërohet nga drejtuesi politik i Vlorës Blendi Klosi dhe nga deputeti Vullnet Sinaj.
Rrugës për më vendin ku do zhvillohet takimi Rama është takuar dhe me disa qytetarë me të cilët ka pasur biseda të shkurtra.
Bëhet me dije se Rama ka kritikuar deputetët e qarkut të Vlorës, për fushatën që ata kanë bërë për kandidatët për kryetar bashkie. Sot në asamble do të votohet sërish për emrin e kryetarit të bashkisë me votim të fshehte midis emrave Fate Velaj dhe Ermal Dredha.
