DURRËS– Kryeministri Edi Rama po zhvillon një takim me përfaqësuesit e biznesit në Durrës. Gjatë fjalës së tij kreu i qeverisë deklaroi se fokusi i tij është punëtori dhe u kërkoi biznesve që të rrisin standartet për punëtorët pasi konkurrenca me vendet e zhvilluara është shumë e lartë. Po ashtu kreu i ekzekutivit deklaroi se Shqipëria në vitin 2030 do të jetë kampioneve mes vendeve të Ballkanit sa i përket turizmit. Rama u ndal gjithashtu tek rritja e pagave ku paralajmëroi dhe njëherë bizneset që të mos luajnë me punëtorët.
Edi Rama: Është kollaj të vëmë gjoba po është rrugë ë shkurtër që na nxjerr më gjatë, por rrugë më e gjatë por që na del më shkurt është strategjia që duhet të mësojnë vetë sipërmarrësit. Merreni si detyrë patriotike këtë. Jemi në kohën e një luftë për mish njeriu. Vendet e zhvilluara do bëjnë çmos të thithin sa më shumë njerëz, nuk ka ku ti gjejnë, ata nuk lindin më. Ne duhet që patjetër të mos humbim më tepër madje edhe t’i kthejmë ata që kanë ikur këtu. Sot nuk jemi në fazën që u themi shqiptarëve që janë jashtë “hajde kthehuni ore. Tani do thoni ju çdo bëjnë fasonët se s’u dalin llogaritë? Duhet t’i bëjnë, të ndryshojnë lojën. Duhet të bëjnë një punë me cikël të mbyllur, Made in Albania. Këto s’i kam parë jashtë i kam parë këtu, ka biznese që kanë ndryshuar lojën. Punonjësit në maj të skelës ti lini me pagë minimale, do të thotë dy gjëra, o japin pak o i nxjerrin në të zezë. Këtë s’do e lejojmë më. S’do japim më kontratë publike dhe asnjë leje ndërtimi që s’kanë paga dinjitoze. Punëtori është prioriteti numër 1 i qeverisë sonë, sepse kështu është kjo kohë. Shqipëria e 2030 do jetë kampione e Ballkanit në Turizëm. Problemi ynë që do kemi, është jo te turizmi por te kërkesa e tyre, që nga kërkesat për shtretër deri te kërkesat për çdo detaj në shërbim. Të ardhurat do të rriten shumë më tepër seç janë sot, sepse ju do rrisni çmimet për turistët e huaj. Ju e dini që një ndër arsyet se pse ju po zhvilloheni dhe industria po zhvillohet është se është trajtim i veçantë që është më e ulëta në rajon.
