Kryeministri Edi Rama ka vazhduar fushatën e tij elektorale në Pogradec. Ghjatë takimit me banorët, Rama ka përmendur se janë në një proces për një projekt të madh, i cili kap vlerën e 15 milionë eurove. Po ashtu shtoi se janë dhe në fazën përmbyllëse për një projekt tjetër në shëtitoren e Pogradecit.
“Më në fund nuk ka më ujëra të ndotur që derdhen në liqen. Ne kemi në proces një projekt të madh, me vlerë 15 milionë euro që është në kantier. Kemi projektin tjetër që e kemi financuar dhe tanimë është në fazën përmbyllese për shëtitoren buzë liqenit të Pogradecit, një projekt që do transformojë Pogradecin njësoj si Lungomarja transformoi Vlorën”, tha Rama.
Po ashtu, para banorëve Rama nuk ngurroi të sulmonte dhe koalicionin ‘Bashkë Fitojmë’, për të cilin tha se dan që me bashkitë të marrin peng qeverinë.
“Lufta e tyre për të fituar ndonjë bashki tek tuk është një betejë për të marrë peng dhe për t’i përdorur si luftë kundër qeverisë. Kanë 10 vjet që thonë Rama ik, por këtu jam unë. Unë do iki kur ta vendosim bashkë, jo kur ta thonë ata”, tha Rama.
