TIRANË– Kryeministri Edi Rama i është përgjigjur opozitës në lidhje me akuzat se rritja e pagës minimale po bëhet për fushatë elektorale në prag të zgjedhjeve vendore. Gjatë fjalës së tij krah përfaqësuesit të Bankës Botërore Rama tha se qëllimi i qeverisë së tij është që ta rrisë pagën minimale deri në 45 mijë lekë të rinj. Sipas tij opozita bën premtime të guximshme se e dinë që nuk kanë gjë në dorë dhe premtojnë nënë e babë. Sipas tij kjo rritje doi të bëhet deri në vitrin 2025 prandaj nuk duhet thënë se po e bën për zgjedhje.
Edi Rama: Kemi vendosur pagën minimale ta rrisim, sipas të gjitha për të gjitha sektorët, të tjerët i kanë programet elektorale shumë më të guximshme se e dinë se nuk do kenë gjë në dorë dhe premtojnë nënë e babë por edhe të tjerët maksimumin e pagës minimale e parashikonin 38 mijë lekë, sot ne e kemi 40 mijë lekë. Qëllimi ynë është që në fund të mandatit ta kemi 45 mijë lekë. Që ta them që sot, që të mos thoni e bëri për zgjedhje, në fillim të vitit 2025 se përkojnë.
