TIRANË– Kryeministri Edi Rama ka dhënë një intervistë për median malazeze A Plus TV ku ka folur për miqësinë e tij me kryeministrin Dritan Abazoviç, raportet e tij me presidentin malazez Milo Gjukanoviç, përplasjet në rajon si dhe për nismën “Ballkani i Hapur”. Pyetjes për marrëdhënien me presidentin Gjukanoviç Rama iu përgjigj duke thënë se e ka mik por kjo se pengon që të thojë se kryeministri me origjinë shqiptare Dritan Abazoviç është një fenomen në politike.
Edi Rama: Milo Gjukanovic është miku im dhe do të jetë gjithmonë miku im. E kam përkrahur në një moment të vështirë sepse ai përkrahte bashkëpunimin multietnik… Por kjo nuk më pengon dhe nuk mund të më pengojë të them bazuar në fakte se Dritan Abazovic është një fenomen. Ai është një fenomen i pabesueshëm në rajon, në politikë. Për mendimin tim, është i vetmi, në mos gaboj, që arriti të krijojë një lëvizje që ka në qendër qytetarët, e cila në vetvete është multietnike, e hapur për të gjithë.
Kreu i qeverisë shqiptare gjatë intervistës u shpreh se po jetojmë në kohë të vështirë e që priten të bëhen edhe më të vështira por pavarësisht kësaj u tregua optoimist për të ardhmen e Ballkanit në Bashkimin Europian.
Edi Rama: Nuk do të jetë kurrë e lehtë dhe nuk pres që të bëhet më e lehtë. Mendoj se të gjithë duhet të përgatitemi që të bëhet më e vështirë, sepse gjërat po ndërlikohen në çdo front… Duhet të punojmë me zell, të përpiqemi të punojmë edhe më shumë, të mos humbasim besimin, të vazhdojmë dhe të mos harrojmë kurrë nga vijmë. Ballkani Perëndimor, nuk ka qenë kurrë në një pozicion luftarak.
Kryeministri u pyet edhe për faktin se Abazoviç është me origjinë shqiptare ku tha se ai e thotë me krenari këtë dhe vepron si shtetas i Malit të Zi dhe punon për të ardhmen e vendit të tij. Rama foli dhe për tensionet në veri të Kosovës, marrëveshjen e propozuar franko-gjermane mes Beogradit dhe Prishtinës dhe marrëdhëniet e tij me presidentin e Serbisë, Aleksandër Vuçiç.
Edi Rama: Jo vetëm që është shqiptari i parë që është kryeministër i Malit të Zi, por është edhe kryeministri i parë. Ministri që vërtet nuk heziton të thotë se është shqiptar është ky sepse beson dhe vepron në bazë të bindjes së tij se është shtetas i Malit të Zi dhe mënyrës së qasjes së komunitetit serb. Si shqiptar, mënyra se si i trajton disa çështje të pazgjidhura është e guximshme, por mbi të gjitha e admirueshme, sepse nuk ka hendek mes asaj që thotë dhe asaj që bën, gjë që nuk është shumë e zakonshme në politikë dhe në jetë. E ndoqa deklaratën e fundit të presidentit Vuçiç nga Davos dhe mendoj se ishte mjaft e respektueshme duke pasur parasysh mënyrën se si ai shprehu nevojën për të ecur përpara. Sigurisht, në mënyrën e tij karakteristike shumë të veçantë të komunikimit, por shprehu respekt.
Kryeministri Rama foli edhe për tensionet e fundit në politikën malazeze që solli dhe shkarkimin e homologut të tij Dritan Abazoviç por dhe për marrëdhënien me presidentin serb Aleksandër Vuçiç dhe raportet me kryeministrin e Kosovës Albin Kurti.
Edi Rama: Dëgjo, Milo po sulmon Dritanin, nuk e di nëse ai po sulmon Milon apo jo por supozoj se eshte keshtu edhe pse Dritani eshte shume me i fiksuar pas korrupsionit dhe krimit te organizuar si nje fenomen qe duhet zhdukur nga shoqeria malazeze. Ka edhe shumë sulme mes Presidentit të Serbisë dhe Kryeministrit të Kosovës, të cilat ndonjëherë janë edhe më të rënda. Dhe njerëzit më pyesin, si është e mundur që je, e di, por imagjinoni sikur të gjithë të dukeshin bardh e zi dhe nëse të gjithë mbanin pozicionet e tyre dhe nëse askush nuk fliste me askënd. Gjërat nuk mund të ishin më mirë. Pra, është gjithmonë më mirë të bisedoni me njerëzit, të përpiqeni të kuptoni arsyet, të paraqisni argumentet tuaja. Presidenti Vuçiç dhe unë kemi gjithmonë qëndrime shumë të forta, pikëpamje krejtësisht të ndryshme për çështjen e Kosovës, të cilën ai e quan Kosovë dhe Metohi. Për mua është shteti i lirë, demokratik, sovran i Kosovës. Por nëse situata është e tillë për momentin, mendoj se ndërkohë gjërat, e dini, po përparojnë, gjërat po ndryshojnë. Gjërat po ecin në drejtimin e duhur. Ngadalë, por ata po lëvizin. Dikur nuk kishim komunikim dhe ishte e pamundur të imagjinohej që serbët dhe shqiptarët të ishin në të njëjtën tryezë. Kështu që do të marrë kohë por kjo është në rregull. Gjërat po ecin në drejtimin e duhur. Ngadalë, por ato po lëvizin. Dikur nuk kishim komunikim dhe ishte e pamundur të imagjinohej që serbët dhe shqiptarët të ishin në të njëjtën tryezë.
Ndër të tjera Rama përmendi dhe një fakt që sipas tij e bën atë një politikan të veçantë jo vetëm në rajon por dhe më gjërë.
Edi Rama: Unë, për shembull, jam një mik shumë i mirë i George Soros dhe Rexhep Tajip Erdogan, e dini, dhe ky është një nivel konflikti edhe më i lartë, le të themi një duel në shkallë botërore
Kreu i qeverisë u ndal dhe tek nisma e “Ballkanit të Hapur”, temat ekonomike që janë diskutuar e priten të diskutohen dhe në fund e mbylli intervisten e tij me një koment për Malin e Zi në këndvështrimin e tij prej artisti.
Edi Rama: Mali i Zi është i vogël, por është vend i artistëve të mëdhenj. Njëri prej tyre ka qenë miku im shumë i dashur nga Tuzi, Leo Gjokaj, ka ndërruar jetë, por kam kujtime të mrekullueshme për të, dhe falë tij e njoh skenën e artit malazez dhe historia e saj më mirë arti që është i pabesueshëm, vërtet i pabesueshëm
