Kryeministri Edi Rama, në një intervistë për Reuters, përjashton çdo mundësi që të ketë një marrëveshje të ngjashme me atë të Italisë për emigrantët me shtete të tjera në Bashkimin Evropian.
Pjesë nga intervista:
Edi Rama, kryeministër i Shqipërisë: Gjermania duhet të gjejë një partner tjetër, sepse Shqipëria ka krijuar një marrëveshje me Italinë dhe Shqipëria nuk mund ta bëjë këtë me të gjithë. Dhe nëse Gjermania gjen një partner tjetër në rajon, do të ishte mirë të shihej nëse funksionon në të njëjtën mënyrë.
Kur mbeten edhe pak muaj nga zgjedhjet e përgjithshme, kreu i qeverisë shfaq hapur objektivin e tij për të kandiduar për një mandat të katërt si kryeministër.
