TIRANË– Kryeministri Edi Rama duke folur në ceremoninë “Mësuesi i Vitit” hoqi një paralele mes arsimit sot dhe në të kaluarën kur vendi qeverisej nga Partia Demokratike. Kreu i qeverisë tha sot përfshirja e mësuesve në aktivitete politike është një përrallë nga e kaluara teksa shtoi se mbetet ende një sfidë e hapur drejtimi i shkollave.
Edi Rama: Përrallë nga e kaluara, deri disa vite më parë përfshirja e tyre me forcë në aktivitet të natyrë politike, elektorale, imponimi i vullnetit të lirë për të kontribuar me votë familjarisht për një parti dhe pamundësia për tu ndjerë të sigurt në rrugën e një karriere të merituar. Sot jo vetëm që nuk kemi të tilla gjëra por po bëjmë çmos që brenda sistemit të ketë mekanizëm vlerësimi i cili faktikisht u jep mësuesve atë që u takon dhe për të përmirësuar drejtimin shkollave. Sot kemi garanci që mësuesit janë më shumë se asnjëherë në vitet pas rënies së regjimit, kjo ka bërë që niveli i mësimdhënies të rritet, sepse mësimdhënia ka aktorë të çliruar nga streset e tepërta dhe të pavend dhe pa asnjë të drejtë. Drejtimi i shkollave është sfidë e hapur, nuk kemi në nivelin drejtues të dhënat e nevojshme për të dhënë se siç kemi arritur të garantojmë se janë ndër më të mirët mësuesit, të njëjtën gjë ta themi edhe për drejtimin e shkollave. Jemi shumë të investuar me shkollën e drejtorëve, për të rritur përgjegjshmërinë dhe cilësinë në drejtim. Në këtë aspekt kanë ndodhur ndryshime të rëndësishme, por jo uniformë, kemi shkolla që drejtohen me përgjegjshmëri prodhojnë edhe rezultate shumë më të mira. Këto shkolla janë inkurajues. Të risim stimulin për të hyrë në rrugën e mësuesisë. Në rrugën e mësuesi futeshin ata që ishin në pamundësi për të marrë çdo lloj dege. Këta pastaj ktheheshin mësues.
