TIRANË– Kryeministri Edi Rama ka ndarë pamjet nga takimi me presidentin e Serbisë Aleksandër Vuçiç dhe liderë të tjerë të Ballkanit ku merrte pjesë dhe presidentja e Komisionit Europian Ursula Von der Leyen. Kreu i qeverisë ka bërë thirrje për ç’tensionim të situatës në veri të Kosovës dhe ka kërkuar të finalizohet marrëveshja për njohje të ndërsjelltë.
POSTIMI:
Rajoni duhet të hyjë në një marrëdhënie të re me BE-në, ndërkohë që konflikti në Veriun e Kosovës duhet të zgjidhet krah për krah me botën demokratike, duke u dhënë fund absurdit kërcënues e duke finalizuar marrëveshjen e normalizimit dhe njohjes së ndërsjellë mes Kosovës e Serbisë.
