Kryeministri Edi Rama ka publikuar pamjet e Urës së Madhe të Kukësit mbi lumin Drin. Me anë të një postimi në rrjetet sociale, kreu i qeverise thotë se projekti që aq shumë u diskutua tashmë është realitet dhe se puna po përfundon. Kreu i qeverisë shprehet se duhet të jemi krenarë me Shqipërinë.
Ura e Madhe lidh Rrugën e Kombit dhe dy brigjet e liqenit të Fierzës. Me një hark me çelik “Corten”, ura ka një gjatësi totale prej 310 metrash, lartësi prej 56 metrash dhe peshë rreth 5 mijë ton.
Rreth një muaj më parë gjatë një inspektimi të kryer, Rama e cilësoi urën si një vepër të rëndësishme arkitekturore.
