TIRANË– Kryeministri Edi Rama po mban fjalën e tij në Kuvend në lidhje me akuzat e ngritura nga opozita për arrestimin e ish-agjentit të FBI-së Charles McGonigal dhe lidhjet e tij me të. Sipas Ramës nuk ka lobuar kundër Partisë Demokratike dhe se nuk ka shpikur akuza ndaj opozitës.
Edi Rama: Nuk ka asgjë të re. për të mbrojtur tutorin e Lulin. Lëreni ç’thotë tutori që s’di gjë. Po të kisha pasur çfarëdolloj informacioni më shumë se ato që dalin më media, do t’ia kisha përcjellë kujto që të mundja pa asnjë diskutim. FBI-së të parës fare. Problem për vendin do të ishte e kundërta. Që unë të kisha informacion për paratë ruse që financonin birrat e himnin poshtë zyrës time, dhe të mos e tregoja, kjo do të ishte problem. Sinqerisht nuk e di ku bazoheni, dhe ku doni të dilni me këtë gjë. Se pashë që u zgjua dhe artisti Lulëzim nga gjumi i dimrit dhe tha se doli e vërteta. Cila e vërtetë? Që CIA publikoi raportin që partia në Shqipëri, Bonsje e Mal të Zi financohen nga Rusia? Apo edhe rusin e shpika unë? Ai e ka deklaruar vetë more zotëri. Apo e shpika unë atë të shtunën që po bëja një matrioshkë ruse me dinamit që t’i hidhaj në erë? Ndërkohë që ju bënit revolucion? Unë? Si të isha nga ata barkderrat që hedhin valle në dasmë me kartëmonedha në ballin e djersitur dhe me veshjet ‘versaqe’.
