TIRANË– Kryeministri Edi Rama ka sfiduar këtë të enjte opozitën. Gjatë fjalës së tij në Kuvend ku po diskutohet rritja e pagave në administratën publike Rama iu drejtua deputetëve se nuk kanë nevojë të bëjnë thirrje propagandistike por të bashkohen dhe të votojnë që paga e deputetit të jetë sa paga minimale që marrin sot qytetarët shqioptarë. Kreu i qeverisë iu drwejtua dhe deputetit demokrat Dashnor Sula, i cili më herët tha se shtesën e tij të pagës së deputetit do ia dërgojë Shoqatës së Fëmijëve në Peqin.
Edi Rama: Është hipokrizi për ë vënë duart në kokë për çfarë dëgjova më parë, sepse niveli i pagave nuk përcaktohen sipas qejfit por me logjikë të ekspertëve. Ka një piramidë pagash. Kur flas, flas gjëra që i mësoj shumë mirë për fushën që unë nuk di, që do të thotë që nuk mund të ndërtosh një piramidë pagash dhe të vendosësh Presidentin me më pak pagë sesa e një mësuesi. Kemi bërë ne një lajthitje me vetëdije, madje e kemi tepruar me sistemin e drejtësie, por ajo është bërë dhe nuk zhbëhet. Është lajthitje se nuk mund të kemi prokurorë që paguhen më shumë se Presidenti. Mund ta kenë punën me më shumë stres, por nuk mund ta kenë pagën më të lartë. Lërini jetimoret, nëse doni hajde vendosni pagën minimale për deputetët, hajdeni! Nëse doni t’i shkojmë deri në fund logjikë se të gjithë janë në hallë më të mëdha se ju, hajde vendosim. Unë mendoj se nuk i hyhet këtij monopati për t’u tallur ata që na ndjekin.
