TIRANË– Kryeministri Edi Rama ka hedhur poshtë çdo mundësi për ngritjen e një Komisioni Hetimor në parlament në lidhje me skandalin e arrestimit të ish-agjentit të FBI-së Charles McGonigal. I ftuar në “Opinion” Rama tha se çdo gjë e ka një cak.
Edi Rama: Të marrësh zvarrë njerëzit prej ditësh duke tundur atë, duke u thënë se ka ndodhur një skandal i madh. Ata kanë të drejtë që të besojnë që unë jam jo djali i Kristaq Ramës, por i Satanait. Por ta mbajnë për vete. Nuk kanë shans ta përdorin parlamentin në një hapësirë manipulimi dhe propagande ekstreme pa asnjë bazë. Nuk ka shans të pranohet Komisioni Hetimor se ka një cak.
