TIRANË– Kryeministri Edi Rama gjatë bisedës që po zhvillon me studentët ekselentë të mjeskësë në Kryeministri u ndal sërish tek fenomeni i largimit të të rinjve nga vendi. Kreu i qeverisë tha se vendi ynë nuk është i vetmi që po përjeton një situatë të tillë pasi sipas tij ky është një cikël që e kanë kaluar dhe vende të tjera. Ai shtoi se historia ka treguar se të gjithë ata që largohen vjen një ditë dhe kthehen sërish në vendin e tyre. Shembull për këtë mori Italinë fqinje ku sipas Ramës dhe pse është një vend i zhvilluar përballet me largimin e njerëzve.
Edi Rama: Ne jemi qytetarë të botës. në një botë që është e hapur për shqiptarët pavarësisht të gjitha vështirsëive, shqiptarët kanë të drejtën e tyre të zgjedhin. Unë nuk i gjykoj ata. Mua jeta më bëri që të isha emigrant, por më solli prap në Shqipëri. Mbi të gjitha ne jemi shqiptarë, jetët tona janë të lidhura me Shqipërinë. Jo vetëm për ne, por edhe vende në të zhvilluara për ne, emigracioni është problem. Rasti është Italia, që të gjithë po largohen. Ata do të kthehen prap, këtë e ka faktuar historia. Por nuk i detyrojmë dot të kthehen
Kreu i ekzekutivit deklaroi se shteti nuk mund që të paguaj studimet për studentët që largohen nga vendi. Për këtë u referua tek studentët e mjekësisë që largohen drejt Gjermanisë. Sipas tij të gjithë studentët duhet të qëndrojnë të paktën 3 vite në Shqipëri që të japin kontributinm e tyre në sistemin shëndetësor në vend.
Edi Rama: Sot jetojmë në një kohë ku edhe për vende më të zhvilluara se ne emigracioni është kthyer në problem, mjafton të shohim Italinë fqinje. Ky është një trend që vendet e kanë të vështirë ta kthejnë, nuk ka forcë që i kthen me zor këto trendë. Ka qenë një kohë kur migrimi ka spostuar masa gjigande njerëzish nga Evropa. Pavarësisht se trendi është i tillë që gjithmonë e më shumë bluza të bardha shkojnë drejt Gjermanisë, Britanisë apo vendeve të tjera, ne nuk mund të pajtohemi me idenë që mund të mbetemi pa mjekë. Deri sot balanca është e qëndrueshme edhe pse nuk është një balancë e sigurtë për të nesërmen, detyra jonëështë ta bëjmë të sigurtë. Në bazë të një studimi, një student mjekësie në Shqipëri i kushton shtetit 16 dhe me tarifën mbulon vetëm 1/16 e kostos së studimit të tij. Për një diplomë që ka vlerë shumë të madhe që njihet kudo në botë nuk është një fakt përpara të cilit ne mund të dorëzohemi por duhet të reagojmë. Shteti nuk mund të vijojë të paguajë 15 në 16 pjesë të studimeve të një studenti mjekësie nëse studenti nuk është i gatshëm t’i kthejë vendit të paktën për një periudhë kohe investimin që bëhet për të. Qytetarët paguajnë taksa për të marrë shërbime gjithmonë e më cilësore dhe me këto taksa mbulohet pjesa dërrmuese e studimeve të një studenti që paguan një tarfië simbolike në raport me koston.
