TIRANË– Kryeministri Edi Rama ka preferuar të mos komentojnë mosdekretimin ende të Vlora Hysenit nga Presidenti Bajram Begaj si drejtuese të SHISH. Pyetjes në lidhje me akuzat ndaj Hysenit gjatë kohës që drejtonte inteligjencën kosovare se ka nxjerrë informacion sekret kreu i qeverisë i quajti thashetheme. Po ashtu preferoi të “kyçte” gojën dhe për hetimet që po kryen nga SPAK për zëvendësin e tij në qeveri Arben Ahmetaj.
Pyetje: Pse u shkarkua Vlora Hyseni nga SHISH në Kosovë. Ka dhe një hezitim nga presidenti për ta dekretuar.
Edi Rama: Nga unë do të dëgjoni pagat, pagat, ekonomia ekonomia, mirëqenia, transformimi i njerëzve. Thashethemet e katundit tonë politik dhe mediatik i kemi bërë bashkë për shumë vite, por unë nuk kam as dëshirë as energji as nevojë ti dëgjoj. Edhe kjo është pjesë e thashethemeve.
Pyetje: A do të merrni vendim politik për numrin tuaj 2 të qeverisë që po hetohet nga SPAK?
Edi Rama: Edhe kjo është pjesë e thashethemeve.
