TIRANË– Kryeministri Edi Rama gjatë takimit që pati me mësuesit me rastin e festave të fundviti deklaroi se studentët që do ndjekin studimet për mësuesi do përfitojnë paga të përmuajshme. Ndërkohë ai falenderoi mësuesit për punën e bërë si dhe u bëri me dije se për disa kategori mësuesish do të ketë rritje pagash.
Edi Rama: Shkollën e mësuesisë e kemi kthyer në një program kombëtar, studentët që futen në shkollën e mësuesisë marrin dhe pagën e përmuajshme deri në përfundim të shkollës. Se pas shkollës marrin përsipër diçka që është gjëja më e shtrenjtë, siç janë fëmijët. Ndryshimi i sistemit. Janë 2 ndryshime kolosale, kanë lehtësuar mësuesit, prindërit, fëmijët. Kjo duket nga përshtypjet e mësuesve vetë. Do ti rrisim përsëri pagat për mësuesit, për punonjësit psikosocial dhe ata të sigurisë. Kemi arritur në 11 mld e 380 mln për të mbështetur lëvizjen e mësuesve. Sot kemi 1650 mësues ndihmës, ndërkohë që e kemi nisur me 0. Sot kemi 500 shkolla qendra komunitare, brenda së cilave janë ngritur 2500 klube, jo qoftesh, po klube artistike, vizatimi, teatri, mjedisi, ku marrin pjesë rreth 42 mijë nxënës. Në janar futemi në një fazë tjetër me disa programe të tjera.
