GREQI– “Edi Rama ra dakort në parim për çështjen e detit”, kjo është deklarata që ka bërë ministri i Jashtëm grek Nikos Dendisas në një prononcim për mediat pas takimit që zhvilloi me kreun e qeverisë shqiptare Edi Rama në Athinë. Rama ndodhet në Athinë pasi po merr pjesë në Forumin Ekonomik të Delphit. Po ashtu Dendias u shpreh se procesi i përmbylljes së marrëveshjes për çështjen e Detit me Shqipërinë mund të shërbejë si shembull për Turqinë. Këtu nuk la pa përmenduar miqësinë që Edi Rama ka me presidentin turk Rexhep Tajip Erdogan.
Nikos Dendias: Po”, do të zhbllokohet. Besoj më herët se sa e mendojmë. Historia e marrëveshjes në parim me Shqipërinë është diçka për të cilën unë jam veçanërisht i lumtur. Do mund të thoja dhe krenar. Shqipëria ka rënë dakord në parim dhe këtu duhet të vendosim emër, Edi Rama u dakortësua në parim me sa pikërisht i propozojmë dhe Turqisë. Se si konkretisht do të specifikohet në draft projekti për Gjykatën Ndërkombëtare të Hagës, do duhet ta shohim në kuadrin e autorizimit që do t’i jepet qeverisë Rama nga presidenti shqiptar. Por parimisht, marrëveshja është e shkëlqyer, një marrëveshje shembull për Turqinë. Të mos harrojmë se Edi Rama është mik i ngushtë i presidentit Erdogan, Shqipëria është vend mik i Turqisë. Unë besoj se mund të jetë njësoj vend mik edhe i Greqisë. Nuk e konsideroj një lojë të zhumëzuar me zero. Por Shqipëria, mikja e Turqisë, ra dakord, bëri marrëveshje pikërisht me të njëjtin propozim që i bëmë dhe Turqisë. Mendoj se ky fakt duhet të jetë qetësues për palën turke, përsa i përket qëllimeve greke
