SLLOVAKI– Kryeministri Edi Rama është takuar këtë të mërkurë me presidentin francez Emmanuel Macron në Bratislavë të Sllovakisë. Përmes një postimi në rrjetet sociale ku ka ndarë dhe fotot nga takimi kreu I qeverisë shkruan se me Macron ka biseduar rreth marrëdhënies së Ballkanit Perëndimor me BE-në, nevojën për një qasje të re politiko-ekonomike si edhe marrëdhëniet bilaterale Francë-Shqipëri.
POSTIMI:
Bratislavë, Sllovaki – Me Presidentin e Republikës së Francës, Emmanuel Macron, në një takim shumë miqësor, ku u prekën me thellësi temat e rajonit tonë në sfondin e konfliktit në Ukrainë, marrëdhënia e Ballkanit Perëndimor me BE-në dhe nevoja për një qasje të re politiko-ekonomike, si edhe marrëdhëniet bilaterale Francë-Shqipëri.
