TIRANË– Kryeministri Edi Rama do të zhvillojë ditën e sotme një bisedë telefonike me presidentin ukrainas Volodymyr Zelenksyy. Në këtë telefonatë mes dy liderëve mësohet se do të flitet dhe për hapjen e ambasadës shqiptare në Kiev. Telefonata vjen në 30 vjetorin e vendosjes së marrdhënieve diplomatike mes shteteve. Mësohet se dy liderët do të diskutojnë edhe për ndihmat ushqimore dhe humanitare që Shqipëria pritet të dërgojë në Ukrainë.
Kryeministri Edi Rama dhe ministrja për Europën e dhe Punët e Jashtme Olta Xhaçka kanë njoftuar hapjen e ambasadës së vendit tonë në Kiev. Hapja do të bëhet kur jemi në 30-vjetorin e vendosjes së marrëdhënieve diplomatike mes dy vendeve. Marrëdhëniet diplomatike mes dy vendeve janë vendosur më 13 janar 1993, ndërsa Ukraina ka hapur ambasadën e saj në Tiranë në shtator të vitit 2020. Ambasador i saj është emëruar Volodimir Shkurov, i cili është ende në detyrë.
