TIRANË– Kryeministri Edi Rama ka pritur ditën e sotme në selinë e qeverisë fëmijët e dy policëve të rënë në krye të detyrës, Shkëlzen Dobrushit dhe Roland Likajt. Ai u dorëzoi atyre Statusin e posaçëm “Fëmijë në Përkujdesje të Republikës”. Kreu i qeverisë gjatë fjalës së tij u shpreh se ky status është mishërim i vullnetit për t’iu bërë krah të gjithë fëmijëve të të rënëve deri në daljen e tyre nga shkolla apo universiteti, me një pension mujor deri në 150% të pagës së prindit.
POSTIMI I EDI RAMËS:
Me bijtë e dy policëve të rënë në krye të detyrës, Shkëlzen Dobrushit dhe Roland Likajt, në dorëzimin e Statusit të posaçëm “Fëmijë në Përkujdesje të Republikës”. Ky status është mishërim i vullnetit tonë për t’iu bërë krah të gjithë fëmijëve të të rënëve deri në daljen e tyre nga shkolla apo universiteti, me një pension mujor deri në 150% të pagës së prindit, pjesë e një pakete të plotë mbështetje nga shteti për ta e për nënat e tyre.
