DURRËS-Kryeministri Edi Rama po zhvillon një takim me banorët e Spitallës në Durrës ku nuk kanë munguar batutat dhe ironitë me ta sa i përket situatës aktuale politike. Kreu i qeverisë nisi “ngacmimet” me demokratët e pranishëm.
Edi Rama: Thuaj edhe atyre demokratëve që të vijë se ata duken dy orë larg që janë demokratë. Hajde mo. Ore hajde këtu mos u fshi. Ça kanë këta që fshihen? Ore hajde ulu, merri dhe ata demokratët e tjerë. U bëra 20 vite këtu unë, i njoh nga larg demokratët. Hajde mo këtu, hajde. Demokratët janë në fazë të vështirë dhe duhet t’i jepen kafe. Pastaj flasim.
Banori: Rama ik jua kemi thënë disa herë, por jo sot se po bën ca punë. Na ke përçarë partinë, por me ty jemi prapë. Ne jemi bërë copë-copë.
Edi Rama: Ne do jua bëjmë gati këto gjëra, që të vijnë ata dhe ta prishin.
