Kryeministri Edi Rama përmes një postimi në Twitter ka shprehur trishtimin e thellë për masakrën që ndodhi sot në një shkollë në Beograd, ku një 14-vjeçar vrau tetë nxënës dhe rojen.
“Është jashtëzakonisht e trishtueshme të dëgjosh për të shtënat e sotme pa dallim në një shkollë të Beogradit💔Ngushëllimet e mia më të thella shkojnë për familjet e viktimave, si dhe për popullin dhe autoritetet serbe. I uroj shërim të shpejtë të plagosurve në këtë ngjarje tragjike” shkruan ai.
Sipas të dhënave paraprake, një nxënës i klasës së shtatë ka qëlluar në drejtim të fëmijëve të tjerë dhe mësuesve në ambientet e shkollës “Vladislav Ribnikar”, rreth orës 08:40 sapo mësimi kishte filluar. Motivet e këtij krimi kaq të rëndë janë ende të pazbardhura.
