TIRANË– Komisioni i Ankimimeve dhe Sanksioneve në Komisionin Qendror të Zgjedhjeve u mblodh këtë të martë për të diskutuar në lidhje me ankimimet në bashkitë Roskovec, Durrës, Berat dhe Fier.
Në përfundim të shqyrtimit, KAS vendosi:
1.Rrëzimin e kërkesës nr. 5, për vendosje të sanksionit administrativ për zj. Dhurata Gjoka, Drejtor i Drejtorisë së Burimeve Njerëzore në Bashkinë Durrës, pasi aktivitetet e referuara në kërkesë nuk janë aktivitete publike dhe si të tilla nuk ka detyrim për raportim.
2.Pranimin e kërkesës nr. 8 dhe vendosjen e sanksionit administrativ, gjobë në masën 10.000 lekë për zj. Dhurata Gjoka, Drejtor i Drejtorisë së Burimeve Njerëzore në Bashkinë Durrës.
3. Pranimin e kërkesave nr. 6 dhe nr. 9, si dhe vendosjen e sanksionit administrativ, gjobë në masën 20.000 lekë për zj. Arisa Toska, Sekretar i Përgjithshëm në Bashkinë Berat.
4.Pranimin e kërkesës nr. 7 dhe vendosjen e sanksionit administrativ, gjobë në masën 10.000 lekë për z. Martin Dodi, Sekretar i Përgjithshëm në Bashkinë Fier.
5.Pranimin e kërkesës nr. 10 dhe vendosjen e sanksionit administrativ, gjobë në masën 5000 lekë për zj. Delina Hoxha, Sekretari i Përgjithshëm në Bashkinë Roskovec.
