TIRANË– Përfaqësuesi ligjor i grupimit të Enkelejd Alibeajt në Partinë Demokratike Indrit Sefa deklaroi këtë të hënë se Kryekomisioneri i Zgjedhjeve Ilrijan Celibashi është jashtë afatit ligjor për të marrë një vendim përfundimtar për regjistrimin e PD në zgjedhjet vendore të 14 majit. Sipas Sefës kreu i KQZ-së po kryen interpretime personale, duke shkelur ligjin.
Indrit Sefa: Komisionieri nuk po zbaton procedurat ligjore. Këto afate janë përcaktuar qartë, i bëj thirrje komisionerit që në një kohë sa më të shkurtër që të marrë përsipër kërkesat e PD-së. Cdo moment që kalon është një shkelje e të drejtave ligjore. I bëj thirrje të mos vonojë, të rregjistrojë PD si subjekt ligjor. Të merren masa të menjëhershme. Dokumentacioni jonë është i plotë, interpretimet janë personale.
