TIRANË- Rëndohet bilanci si pasojë e akaidentit tragjik të ndodhur pak minuta më parë në Sauk ku një makinë ra nga mbikalimi duke zënë poshtë një tjetër mjet. Mësohet se viktimë ka mbetur një 25-vjeçare dhe një person tjetër. Ndërkohë dy të plagoaurit janë në gjendje të rëndë.
Siç shihet në pamje aksidenti ka qenë fatal. Makina është “shkërmoqur” ndërsa nxjerrja e trupave ka qenë e vështirë.
NJOFTIMI I POLICISË:
Tiranë/Informacion paraprak. Më datë 09.03.2023, rreth orës 18:05, shtetasi Q. K., duke drejtuar automjetin, në unazën lindore dyshohet se duke dalë për tek rrethrrotullimi i Tegut, ka humbur kontrollin mbi drejtimin e tij dhe automjeti ka dalë nga rruga dhe ka rënë nga mbikalimi, mbi kofanon e një automjeti tjetër. Si pasojë kanë humbur jetën dy shtetase femra, si dhe janë dërguar në spital për ndihmë mjekësore shtetasit Q K., O. K., dhe K. R., të cilët ndodhen nën kujdesin e mjekëve. Grupi hetimor ndodhet në vendngjarje dhe po punon për sqarimin e rrethanave të aksidentit. Mbi rrethanat dhe shkaqet e aksidentit, pas përfundimit të këqyrjes së vendit të ngjarjes, dhe për gjendjen shëndetsore të të dëmtuarve në spital, do të keni njoftim në vijim.
