LEZHË– Policia, Forcat e Ndërhyrjes së Shpejtë dhe RENEA kanë zbarkuar këtë të premte në zonën e Shkodrës ku besohet se dhe ka qëndruar ekzekutori i biznesmenit Ardian Nikulaj. Raportohet se ekipet e shëpërndara në terren po kërkojnë në buzë të lumit Drin, aty ku dhe u gjet motori i përdorur nga portugezi Ruben Saraiva ditën e ekzekutimit të Nikulajt pasi ka dyshime të forta se po aty mund të jetë hedhur dhe arma e krimit. Mësohet se pëlumbarët e RENEA-s po kërkojnë por deri më tani nuk ka asnjë rezultat.
Vrasja e Ardian Nikulajt u zbardh më 26 prill, disa ditë pas ngjarjes. Sipas Policisë së Shtetit në rolin e ekzekutorit ishte portugezi Ruben Saraiva, ndërsa katër britanikë ishin vëzhgues. Ata janë identifikuar si: Harry Simson, Thomas Mithan, Steven Hunt dhe Harriet Bridgeman. I gjithë ekipi menaxhohej nga Edmond Haxhia, djali i dajës i vëllezërve Lestakaj.
Biznesmeni u ekzekutua me shtatë plumnba në kokë e trup mesditën e 19 prillit teksa konsumonte kafen në ambientet e lokalit të tij “Coral” në bulevardin e Shëngjinit, shumë pranë plazhit. Autori i maskuar me maskë anti-covid dhe skafandë ka hyrë në ambientet e restorantit nga dera e pasme dhe pasi e ka përshëndetur viktimën për tu siguruar mirë që bëhej fjalë për të njëjtin person e ka ekzekutuar duke e lënë të vdekur në vend. Më pas është larguar sërish nga dera e pasme ku kishte lënë dhe motorin e përdorur në krim. Në lokal në momentin e ngjarjes ka qenë banakieri dhe bashkëshortja e Nikulajt, e cila ndodhej në ambientet e kuzhinës ndërsa shumë pranë viktimës ishte vjehrri i tij. Deri më tani nuk ka asnjë pistë konkrete ku policia e Lezhës të fokusohet. Por një nga pistat më kryesore është ajo e gjakmarrjes pasi rezulton se Ardian Nikulaj është akuzuar vite më parë se është i përfshirë në vrasjen e dy pjestarve të familjes Balaj. Për këtë Nikulajt i është vrarë dhe një vëlla nga fisi Balaj. Ardian Nikuluaj ishte një person i angazhuar dhe në jetën politike përveç biznesit. Ai ishte anëtar i Këshillit Bashkiak të Lezhës, kandidat për deputet në listën e Partisë Social Demokrate të Tom Doshit në zgjedhkjet parlamentare të vitit 2021 dhe në zgjedhjet vendore të 14 majit synonte një karrige në Këshillin Bashkiak po nën siglen e Partisë së Doshit. Ai ishte i m rtuar dhe baba i katër fëmijëve.
