Renis Gjoka pjesë e PD: Dëshira e hershme, kontributi i një artisti në politikë detyrim moral
Këngëtari Renis Gjoka i ftuar në emisionin ‘Stay Tuned’ në MCN i gazetares Valbona Mhilli , ka rrëfyer edhe lidhur me angazhimin e tij në politikë, ku tashmë është dhe anëtar i këshillit në Partinë Demokratike.
Teksa pranoi faktin se PD tashmë ka shumë probleme, ai theksoi faktin se është ndjerë i velrësuar në momentin që i është futur këtij rrugëtimi dhe se në njëfarë mënyre është dhe njëlloj detyre e artistit të meret me politikë.
PD tashmë ka shumë probleme, por unë kam bindjet e djathta, kam një qasje të caktuar mënyrës së të bërit politikë nga të dyja krahët sepse këtu perceptohet se janë dy palë armike që konfliktohen, por ne kemi miq e shok që i duam shumë si shok pavarësisht se i përkasim bindjeve të ndryshme politike. Qasja ime me PD ishte përpara se të ndodhte kongresi i partisë, dëshira ime ishte e hershme prandaj vendosa të kandidoj për këshillin kombëtar, kandidova dhe fitova. U ndjeva i vlerësuar, por gjithsesi ne kemi profesionet tona dhe rrjedha jonë e ka marrë një farë rrjedhje dhe mendoj se kontributi në një farë mënyre është dhe njëlloj detyre e artistit të merret me politikë sepse përmes politikës zërin e tij e trash më shumë, pra është dhe detyrim moral që ta bëjmë sa më të dëgjuar zërin tonë.
I pyetur se si u prit në Partinë Demokratike ai tha se ka paarë aty një frymë kolektive, ndërsa duke u ndalur te protesta e 7 korrikut theksoi se do ishte aty edhe si një qytetar i thjeshtë.
Në PD jam pritur shumë mirë, shoh një frymë, një karikim të madh. Aty nuk ka vetëm të rinj ka dhe të vjetër, por shoh një frymë kolektive zgjimin e njerëzve të karikuar dhe e shoh si një fillim për marrjen e vendimeve në të ardhmen. Protestën e 7 korrikut e pash shumë e bukur ndërsa bëra dhe hapjen me këngën time. Unë isha i pranishëm për të kënduar këngë për hapjen, por dhe nëse nuk do isha i pranishëm për të kënduar do të shkoja edhe thjesht si qytetar sepse aty ka pasur prezencë të shumtë të njerëzve dhe ata kishin nevojë për ti mbledhur për të shprehur shqetësimin e tyre për situatën aktuale në vend.
