TIRANË– Kryetari i Patrtisë Demokratike Sali Berisha ka vijuar me akuzat e tij kundër ambasadores amerikane në Tiranë Yuri Kim. Duke folur para mbledhjes së Kryesisë kryedemokrati i bëri thirrje presidentit të Shteteve të Bashkuara të Amerikës Joe Biden që të ndalojë nëpërkëmbjen që diplomatja po i bën Shqipërisë. Lideri demokrat u ndal dhe tek zgjedhja e Genti Ibrahimit si anëtar të Gjykatës Kushtetuese.
Ai tha se se ONM-ja i ka dalë kundër përfshirjes së Ibrahimit në sistemin e drejtësisë. Sipas tij ish-kreu i KLP-së ka marrë dhjetra mijëra euro dhurata, ndërkohë që prokurorët dhe gjyqtarët që punojnë ndershmërisht, janë larguar nga sistemi.
Sali Berisha: Duhej që shqiptarët të mos kishin një forcë sovrane politike. Kjo është forca më e përkushtuar vokacionit perëndimor. Kurrë nuk do mbrojmë parimet tona nëse nuk themi gjërat siç janë. Jemi në një betejë. Kjo betejë nuk zgjidhet duke nëpërkëmbur forcën tonë politike. Rama është peng e dosjeve të tij. Nuk mund të ndodhë kurrë. Kjo është një republikë bananesh. Është një turp. I bëj thirrje Presidentit të SHBA-së dhe qeverisë amerikane të ndalojnë ambasadoren e tyre për të trajtuar këtë vend siç po e bën. S’mund të pranojmë bananizimin e vendit. Nuk mund të bëjhet kështu, ka një normë, ka disa parime. Nuk ia bën dot kurrë një vendi këtë. Sot e quante historike zonja. A e dini që Gent Ibrahimni, është i pari që onm-ja ka qenë kundër përfshirjes së tij për shkak të karakteristikave në sistemin e drejtësisë. Genti Ibrahimi ka qenë dakord 100% që asnjë që merret me reformën e drejtësisë të mos zgjidhet. Ka dhuratat më fabuloze në deklarimin e pasurive. Merrjani sa i ka. Nga prilli. Në një kohë kur një gjykatëse ja kishte mbledhur i ati rrogën, nuk ia quajnë. Ndërsa këtij dhjetra mijëra euro. Dhe na thotë historike zonja. Kujt ja thua këtë zonjë. Çfarë i quan shqiptarët tij. Kujo mund të ndodhë vetëm në republikën e Bananeve.
