GRAMSH– Disa zona në Gramsh janë përfshirë nga kushtet atmosferike ekstreme, ku kjo ka sjellë edhe ndërprerje të energjisë elektrike. Si pasojë e reshjeve intensive të dëborës dhe erërave të forta, vijojnë të jenë të bllokuara fshati Rovje dhe Grabova, ku trashësia e borës arrin mbi një metër.
Deri më tani nuk janë raportuar raste emergjente, ndërkohë kreu i bashkisë së Gramshit Klodian Taçe është shprehur se në disa zona janë nisur disa traktorë me zinxhirë për shkak se fadromat nuk mund të punonin si pasojë e terrenit të vështirë.
