TIRANË– Deputeti i Partisë Demokratike Gazment Bardhi, i cili mori fjalën pas kryeministrit Edi Rama në Kuvend iu përgjigj këtij të fundit sa i përket rezultatit të zgjedhjeve vendore të 14 majit. Bardhi iu drejtua kryesocialistit duke i thënë se mandatet e kryebashkiakëve i mori me ndihmën e dy personave non grata si Tom Doshi dhe Vangjush Dako.
Gazment Bardhi: Nuk na shpjegove pak rezultatin e aleatit tënd non grata Tom Doshi. Se rezultati i 14 majit është i Tom Doshit. Një këmbë të pushtetit e ka garantuar Vangjush Dako në Durrës, i cili është non grata, një këmbë të pushtetit në Shkodër ta ka dhënë Tom Doshi i shpallur non grata. Po të marrim me kë rri ti dhe me kë shoqërohesh ti, i bie të jesh llumi i shoqërisë. Sa për çështjen e rendit të ditës, vota e grupit parlamentar të PD-së është pro. Por ky proces është i vonuar. Vini re statistikat, qytetarët sa vjen e më shumë po largohen. 42 mijë shqiptarë janë larguar pas zgjedhjeve në 2021. është e vërtet që disa janë kthyer, por nuk e kapin numrin e personave të ikur. Sot do të shpenzoni gati 300 mln euro për të rritur pagat. Ktheni memorien 6 muaj më parë nbë këtë parlament, kur po diskutonim buxhetin, as ministrat dhe as Rama nuk e ngritën zërin për rritjen e pagave.
