Skuadra saudite e Al Nassr është rikthyer të fitojë në kampionat pas një mini krizë që u karakterizua nga nervozizmi Brenda grupit të lojatarëve, mbi të gjithë Cristiano Ronaldos.
Takimi i javës së 25-të të Kampionatit të Futbollit të Arabisë Saudite, i fituar 4-0, përballë skuadrës modeste Al Raed, u zhbllokua fatmirësisht për të verdhët, që në minutën e katërt.
Ishte pikërisht, pesë herë fituesi i UEFA Champions League që dërgoi në epërsi Al Nassr falë një goditje me kokë perfekte.
Dominimi i kryeqytetasve, ishte i dukshëm edhe pas golit, megjithatë reparti mbrojtës I miqve I rezistoi tentativave të shumta të Al Nassr.
Me një gol diferencë, përfundoi fraksioni i parë i lojës. Pjesa e dytë, nisi me të njejtin skenar sit ë pjesës së parë. Ghareeb dyfishoi shifrat për vendasit në minutën e 55-të.
Me avantazhin e dyfishtë, Al Nassr dukej që e kishte të sigurtë fitoren, me Al Raed që nuk kishte shumë mundësi për të shkurtuar diferencat. Vuajtjet për miqtë nuk mbaruan as në shtesë, Maran, realizoi golin e tretë në minutën e 91-të, i ndjekur nga Al Sulaiheem, i cili realizoi golin që i vuri kapakun sfidës.
Me këtë fitore, Al Nassr, shkon në kuotën e 56 pikëve në vendin e dytë, 3 pikë pas Al Ittihadit kryesues, që nga ana e tij, ka luajtur një ndeshje më pak.
