FIER– Rikthehen rastet e infektimit me Covid-19 në Fier. Raportohet se dy ditët e fundit janë regjistruar 20 raste të reja në bashkitë Patos, Fier dhe Roskovec. Sipas drejtuesit të Njësisë Vendore të Kujdesit Shëndetësor në Fier, Arbër Arapi, është shprehur se rritja e rasteve me virusin Covid në Fier ka si shkak ardhjen e emigrantëve.
Rastet me covid nuk kanë munguar edhe te fëmijët. Sipas Balkanweb gjatë këtyre ditëve është regjistruar edhe një numër i lartë vizitash dhe shtrime të fëmijëve në spital nga virozat e stinës. Sipas mjekës pediatre, Anila Muka, është gjithmonë e më i madh numri i fëmijëve të prekur nga virozat, një prej të cilave edhe Covid 19.
