TIRANË– Deputeti i Partisë Demokratike Enkelejd Alibeaj i është përgjigjur këtë të enjte kolegut Gazment Bardhi sa i përket akuzave të këtij të fundit se me mbledhjen e Këshillit Kombëtar u shkel statuti i partisë dhe atij iu morën kompetencat si Sekretar i Përgjithshëm i PD-së zyrtare. Në një prononcim për mediat para hyrjes në seancë plenare Alibeaj tha se është koha për të ndërtuar një parti demokratike me vlera si dhe sqaroi procedurën e ndjekur. Ai komentoi dhe rikthimin e ish-kryedemokratit Lulzim Basha në politikën aktive dhe kandidimin e tij për tu rikthyer në krye të PD-së.
Enkelejd Alibeaj: Ka ndodhur që nga gjithë Këshilli kombëtar, si nga të gjithë strukturat e tjerë një pjesë kanë zgjedhur që të mos militojnë më me PD-në dhe kanë gjetur një strofull tjetër te LSI. 329 emra të Këshillit Kombëtar janë ata që përbëjnë Këshilli Kombëtar. Çdo deputet përfshirë edhe unë jemi shpirtra të lirë. Një sfidë e madhe karakteriale por edhe politike e kemi pasur përballë. Do qëndrojmë te PD sipas vlerave që ajo duhet të mbartë, apo i nënshtrohemi sulmit dhe presionit aspak proporcional dhe në interes publik. Çdo anëtar partie ka lirinë e vet të zgjedhë. Do të rindërtojmë një parti rreth vlerave apo rreth ca interesave të vogla. Ne kemi një detyrë që zëri i tyre të dëgjohet. Janë krijuar grupet e punës në secilën prej degëve, bazuar në statut. PD nuk do të duhet të jetë më e njerëzve që e braktisin. Njerëzit që kanë luftuar prej dy vitesh që farsa 32 vjeçare në PD mos të vazhdojë më. A ka të drejtë Basha? Ndokush ka të drejtën të kandidojë. Nëse i themi dikujt ik, është simptomë e post diktaturës. Nëse ka një sfidë, sfida është tjetër, a e bëjmë dot një proces të barabartë apo transparentë? Kjo s’është garë mes Hanit dhe Bashës, ajo që quhet e barabartë është transparenca e procesit. Sa do të bëjmë e një proces për të mos manipuluar votat. Simptomat e vjetra sovjetikë kanë marrë fund. Unë e kam bërë të ditur edhe në deklaratën time në mbarimin e mandatit si drejtues i PD dhe jam shumë serioz në detyrat që marr në PD. Sot PD ka koshiencë, ajo që duhet një PD e ndryshuar në mentalitet. PD e suksesshme s’do jetë dhe nuk duhet të jetë një parti që varet nga shijet, humori i një individi, Një parti që varet se cili është lideri i saj më mirë mos të ekzistojë. Numrat Grupi parlamentar s’ka të drejte të ndërhyjë në proces. Ju duhet të besoni dokumentet, faktet, syrin e kamerave.
