TIRANË– “Të dhënat përputhen 100% me rezultatin e sistemit elektronik“, kështu u shpreh këtë të hënë Kryekomisioneri i Zgjedhjeve Ilirjan Celibashi referuar rezultatit të dale në zgjedhjet vendore të 14 majit për bashkitë Kamëz, Vorë dhe Elbasan. Përmes një postimi në rrjetet sociale Celibashi shkruan se të dhënat e dala nga rinumërimi i disa kutive të votimit për Bashkitë Elbasan dhe Kamëz kanë treguar se përputhen me të dhënat që kanë dalë nga pajisjet e votimit dhe numërimit elektronik.
POSTIMI:
Të dhënat e dala nga rinumërimi, përputhen 100% me rezultatin e sistemit elektronik të transmetuara nga pajisjet elektronike të votimit dhe numërimit (PEVN) në KQZ Shqipëri.
