Rishfaqet Grenell: Albin Kurti, fashist me përvojë. Ballkanin nuk po e trazon Rusia
Ish-i dërguari i posaçëm i presidentit amerikan për negociatat ndërmjet Beogradit dhe Prishtinës kritikon në Twiter vendimin e qeverisë Kurti për reciprocitetin. Grenell, i cili po ndjek nga afër se çfarë po ndodh në Kosovë,
“Edhe një herë, kryeministri i Kosovës, radikal i ekstremit të majtë dhe fashist me përvojë, Albin Kurti, në mënyrë të njëanshme bën një lëvizje për të refuzuar targat dhe ID-të serbe në Kosovë. Budallallëk, i pamatur. Dhe i panevojshëm”, ka shkruar Grenell në rrjetin social Twitter.
“Askush nuk po thotë se Kosova dëshiron luftë apo konflikt. Por Kurti qartazi mendon se kjo është një mënyrë për të përmirësuar shifrat që e tregojnë në rënie në sondazhe. Veprimet e tij të fundit janë të panevojshme. Evropianët i kanë thënë që të ndalojë – por duhet t’i thuhet ta ndalojë menjëherë”, ka thënë Grenell.
Ish-ambasadori amerikan në Gjermani, këshillon liderët serbë që të mos bien pre e asaj që ai e sheh si provokim nga ana e Kurtit.
“Pas asaj që po ndodh në Ballkan nuk është Rusia. Kushdo që jua thotë këtë, po përpiqet t’ju manipulojë. Kjo ka të bëjë me Albin Kurtin, i cili po përpiqet t’ia hedhë Serbisë. Ai jeton në të kaluarën. Populli i Kosovës dëshiron paqe dhe punë, Albin. Dhe liderët serbë nuk duhet të bien pre. Ata duhet të vazhdojnë të përqendrohen në zhvillimin ekonomik – dhe të mos bien në këtë karrem”, shkruan ai në Twitter.
