Ronaldo drejt rikthimit në Serie A, Napoli nis bisedimet
Cristiano Ronaldo është një nga lojtarët më të përfolur në këtë merkato vere. Sulmuesi portugez e ka vendosur dhe dëshiron të largohet nga skuadra e Manchester United, pasi dëshira e tij është te luajë në Champions League.
Emri i 37-vjeçarit është lidhur me disa skuadra, si Chelsea dhe Atletico Madrid, por e ardhmja e tij mund të jetë në Itali.
Sipas asaj që raporton “AS”, Ronaldo pëlqehet nga Napoli dhe presidenti i këtyre të fundit, Aurelio De Laurentiis, thuhet se ka nisur bisedimet me përfaqësues të lojtarit.
Napoli plotëson kushtin e Ronaldos për të luajtur në Champions League, por nuk dihet nëse sulmuesi do të pranojë të transferohet aty.
