TIRANË– Dy të mitur janë shpallur në kërkim nga Policia e Tiranës pasi kanë rrahur një bashkëmoshatar të tyre. I mituri ka marrë dëmtime të lehta. Mësohet se në kërkim janë shpallur një 15 vjeçar dhe një 16 vjeçar.
NJOFTIMI I POLICISË:
Specialistët për Hetimin e Krimeve të Komisariatit të Policisë Nr. 3 po punojnë për kapjen dhe shoqërimin e 2 shtetasve të mitur, 15 dhe 16 vjeç, pasi në rrugën “Mine Peza”, janë konfliktuar me një bashkëmoshatar të tyre, i cili si pasojë e konfliktit është dëmtuar. Aktualisht i dëmtuari ndodhet jashtë rrezikut për jetën. Materialet i kaluan Prokurorisë, për veprime të mëtejshme procedurale.
