DURRËS– Dy persona kanë rënë në pramgat e policisë së Durrësit këtë të enjte pasi akuzohen për vepra të ndryshme penale. Përmes një njoftimi për mediat blutë e qytetit bregdetar bëjnë me dije se një 39-vjeçar i identifikuar me inicialet L.S është arrestuar pasi ka dhunur bashkëshorten. Ndërsa një tjetër u vu në pranga pasi ishte shpallur në kërkim.
NJOFTIMI I POLICISË:
Vihen në pranga 2 shtetas, për vepra të ndryshme penale. Specialistët për Hetimin e Krimeve të Komisariatit të Policisë Durrës arrestuan në flagrancë shtetasin L. S., 39 vjeç, banues në Durrës, pasi ka ushtruar dhunë ndaj bashkëshortes së tij. Po nga këta specialistë u ndalua shtetasi i shpallur në kërkim N. T., 49 vjeç, banues në Durrës, pasi Gjykata e Rrethit Gjyqësor Durrës e ka dënuar me 1 muaj burgim, për veprën penale “Veprime në kundërshtim me vendimin e gjykatës”. Materialet procedurale i kaluan Prokurorisë, për veprime të mëtejshme.
