TIRANË– Drejtori i Kabinetit të kreut të Partisë Demokratike Sali Berisha, Akil Kraja i ftuar në emisionin Stay Tuned në MCN TV teksa ka folur pak më tepër për veten duke treguar personin e tij jashtë kostumit, deklaroi se dita e tij nis në mëngjes para kompjuterit dhe në të shumtën e herëve po ashtu dhe mbyllet.
Ai tha se ka shumë pasione të cilat për shkak të angazhimeve nuk mund ti ushtrojë sa duhet, ndërsa veçoi si pasion dhe politikën.
Në përgjithësi që në kohën kur kam qenë studentë dita ime nis që në 5 në mëngjes me kompjuterin, është momenti më i mirë për tu fokusuar në redaktim sepse shkruaj shumë. E mbyll shpesh herë po kështu. Sa i përket pasioneve, kam shumë por për shkak të ngarkesës nuk i ushtroj aq sa dua. Pasioni im është dhe politika, sepse politika nuk mund të jetë thjeshtë interes, politika në fund të fundit është historia, ekonomia, gjeografia. Sa i përket kohës që ndaj mes familjes dhe punës, për momentin familja ankohet, ndërkohë që doktori nuk ankohet fatmirësisht.
Më tej duke folur pak më tepër se çfarë e karakterizon nisur kjo dhe nga emri mitologjik që ai mban, Akili flet dhe për gjërat që nuk harron ti bëjë çdo ditë.
Akili mbase për shkak të emrit të mitologjisë që mbart si shumë të rinj mendon nëse familja e tij, rrethi shoqëror e nxisin drejt një përballje të mëtejshme apo zgjidhjes pragmatike të shumë kolegëve të mi që largohen nga vendi, dhe unë po zgjedh përballjen për shkak të emrit dhe uroj që për brezat që vijnë të kthehet në një narrativë. Emri im lidhet me një histori që nga gjyshi im ai quhej Hakil dhe doli emri im Akil. Frikë nuk para kam, por do doja të mos trembesha nga mesazhet që më çon bashkëshortja. Tre gjërat që bëj çdo ditë: e para ndjekës i rregullt i lajmeve, së dyti përpiqem gjithmonë të lexoj sa mundem dhe së treti njëlloj kujdesi për veten, përpiqem të marr një kohë qoftë dhe e vogël për të menduar dhe për tu shkëputur nga ky realiteti.
