TIRANË– Kryetari i Partisë Demokratike Sali Berisha po zhvillon në selinë blu konferencën e përjavshme me gazetarët. Gjatë fjalës së tij ai u ndal tek tensionet në veri të Kosovës dhe rrëmbimin e tre efektivëve kosovarë nga forcat serbe ku tha me ironi se nuk do ishte çudi që kryeministri Rama të fluturonte në Beograd dhe ti sillte në Shqipëri.
Sali Berisha: Në të njëjtën ditë që u anulua takimi mes dy qeverive, në Serbi u rrëmbyen 3 policët shqiptarë. Mos u çuditisni po të fluturojë me Ismailin dhe ti sjellë në Tiranë sepse i duhet një peshë për procesin e McGonigal. Nuk ka forcë në botë që mund ta shpëtojë. E kuptoj që mund të thoni se si tepër po i lidh këto gjëra. Nuk po i lidh unë.. Edi Rama nuk e dënon aktin, por kërkon lirimin.
