DURRËS– Një tragjedi është shmangur ditën e sotme në plazhin e Durrësit. Një i moshuar rrezikoi të mbytej në det pasi kishte ulje tensioni. Fatmirësisht ai u pikas nga roja e bregdetit i cili i erdhi në ndihmë në mënyrë të menjëhershme.
Vrojtuesi tha se pasi e pikasi, e nxori në breg dhe i dha ndihmën e parë. Pas 15 minutash, ambulanca mbërriti dhe e mori të moshuarin me vete për t’i dhënë trajtimin mjekësor përkatës.
