TIRANË– Presidenti Bajram Begaj ka komentuar këtë të enjte dekretimin e ligjit për rritjen e pagave, ku dhe ai vetë përfitoi një dyfishim rroge. Gjatë konferencës për mediat me homologen Hungareze Begaj tha se ligji në fjalë bëhet për të rregulluar piramidën e pagave dhe se ende nuk e ka pëlqimin për përmbajtjen ligjit
Bajram Begaj: Presidenti në fakt zbaton kushtetutën dhe ligjet e vendit. Nuk ishte vendim i deputetëve. Ishte ligj i miratuar në parlament, me shumicë dhe konsensus. Ligji në fjalë bëhet për të rregulluar piramidën e pagave, në administratë dhe pagat e magjistratëve. Presidenti ka dhënë sipas Kushtetutës pëlqimin paraprak që ky ligj të hyjë në fuqi pas dekretimit. S’kam dhënë pëlqimin për përmbajtjen e ligjit. Presidenti ka marrë kohë për të vlerësuar ligjin. Nuk është dhënë miratimi paraprak për ligjin, por për hyrjen në fuqi të ligjit në momentin e dekretimit.
