Nga Edon Kuqi
“Rrugë që vrasin”, ky është simbolizimi më i mirë i gjIthë kësaj që po ndodh sot në vendin tonë ku aksidentet rrugore me pasojë vdekje tashmë na duken “normale”. Aksidenti i mbrëmshëm me pasojë vdekjen e tre të rinjve është një këmbanë alarmi që duhet ta na zgjojë të gjithë nga gjumi letargjik dhe të na bëjë të reflektojmë se ku po shkojmë. “Rregullat janë bërë për tu thyer” kjo është motoja e çdo shqiptari dhe për fat të keq dhe e dtejtuesve të shtetit dhe Policisë që sot nuk dua ti bëj me faj por më duhet të them dy fjalë.
10 aksidente të rënda janë regjistruar në vend në skaje të ndryshme të tij në një afat kohor prej 10 ditësh. Shkak kryesorë i tyre është shpejtësia e lartë apo mosrespektimi i sinjalistikës rrugore dhe parakalimi i gabuar. Mania për të qënë të parët po na vret si popull pasi këtë mani e kemi gjithmonë për sekuenca të shkurtra dhe jo në plane afatgjata. Të kthehemi tek aksidentet. Kur u lançua për herë të parë në vitin 2019 sistemi i pikëzimit në patentat që përdorin drejtuesit e mjeteve të gjithë ndjemë një llojë lehtësimi se situata në rrugë do të përmirësohej, shoferët do të ndërgjegjësoheshin e policia do të kryente siç duhet detyrën e saj.
Dy ditët e fundit kanë përgjakur në mënyrë tragjike rrugët e Tiranës, Kavajës dhe Durrësit me aksidente të ndodhura në harkun kohor të 24 orëve. Cila është detyra e patrullave të Policisë së Shtetit që janë të vendosur në autostradat e vendit, që mbijnë nga hiçi si kërpudha në disa raste duke u bërë dhe vetë burim aksidenti. Po harxhohen miliona euro kuturu dhe nuk krijohet një sistem unikal me kamera dhe radarë në rrugë që në mënyrë automatike evidentojnë të gjithë shkelësit e Kodit Rrugor pa dashur të nxjerrësh policin në shi me tabelën në dorë që jo pak herë kanë rënë vetë pre e aksidenteve ku janë marrë para nga të marrët e morrosur pas shpejtësisë.
Pse aksidenti i djeshëm është një kronikë e një ngjarjeje të paralajmëruar? Është shumë e thjeshtë 20-vjeçari Klevis Ruçaj ishte një i ri si shumë të tjerë në fakt që pasion të tij kishte shpejtësinë dhe pse ishte koshient që shpejtësia do e vriste ashtu siç ndodhi dhe mbrëmjen e djeshme ku ai “fluturoi” me “Audi-n” e tij mbi mbikalimin e Saukut duke marrë kështu jetën e tij dhe të dy mikeshave të tij që ishin me të në mjet. Kur u nisën ata nuk e dinin se ky ishte udhëtimi i tyre i fundit bashkë. Nuk e dinin që shpejtësia që e çoi adrenalinën e tyre në maksimumin do të ishte “varri” i tyre i tmerrshëm kur makina e zezë çau barrierat e mbikalimit dhe hapi dyrt e paqes për të tre.
Ruçaj rezulton të jetë gjobitur disa herë nga Policia Rrugore për moszbatim të sinjalistikës rrugore dhe përdorimit të celularit gjatë kohës që drejtonte mjetin. Ku është funksionimi i patentës me pikë e për çfarë dreqin na duhet kur nuk e zbatojmë, ligjet e këtij vendi janë të mira në letër por ama janë shumë shumë larg në zbatim. Nëse nuk do të ishim mjaftuar me një gjobë apo masë disiplinore quajeni si të doni por ti kishim hequr patentën direkt një të riu që ka pasion shpejtësinë mbase ngjarja nuk do të ishte parandaluar ama shteti do të ishte i qetë se e bëri detyrën e tij.
Aksidenti i mbrëmshëm që e bëri më të zezë natën e vrenjtur nga shiu duhet të shërbejë për të gjithë qytetarët si një ngjarje reflektimi por mbi të gjitha por policinë rrugore që më shumë se sa të qëndrojë me tabela në duar në mes të autostradës të mësojnë të zbatojnë ligjin dhe pse të jemi realistë në këtë “katundin” e vogël me emrin Shqipëri dhe nëse njërie zbaton ligjin 10 të tjerë do mundohen ta bindin që e ka gabim. Rruëgt e Shqipërisë janë përgjakur në këtë vit me aksidente të tmerrshme që janë sot një këmbanë e fortë alarmi. Vendi ynë sa i përket aksdenteve rrugore ka një bilanc lufte me të vdekur e të gjymtuar që asfalti i zi po u merr jetën. Të duam vetën në rradhë të parë e të mundohemi të zbatojmë ligjin. Nëse arrijmë ti bëjmë të dyja, “lum” si ne, nesë s’bëjmë asnjëren “mjer” ne, se të dyja nuk bëjnë dot pa njëra tjetrën. Ngushëllimet më të sinqerta familjeve…!/Newszone
