Rrugët u përgjakën edhe njëherë tjetër! Netë dhe ditë që përthithin njerez, për të shënuar një tjetër viktimë.
Një nënë vajtonte, një baba priste telenonatën e djalit që nuk erdhi kurrë…
Aksidente të frikshme, që degjon sapo hap TV çdo ditë në Shqipëri. Aksidente që rriten me një numër të frikshëm.
Muaji shkurt dhe mars shënoi një tjetër rekord të rritjeve të aksidenteve. Shifrat e INSTAT tregojnë rekorde sidomos krahasuar me shifrat e aksidenteve të shkaktuara në Evropë.
INSTAT, rritje e aksidenteve
Numri i aksidenteve rrugore për muajin shkurt dhe mars të këtij viti është rritur me 14,3 për qind.
Referuar të dhënave të INSTAT-it, në muajin shkurt numërohen 88 aksidente rrugore nga 77 të ndodhura në po të njëjtin muaj të vitit 2022.
Sakaq, numri i të aksidentuarve (të vrarë dhe të plagosur) rezulton 123 persona nga 100 në muajin shkurt të vitit 2022.
Në 81,8 për qind të rasteve, aksidentet rrugore kanë ndodhur si pasojë e sjelljes së drejtuesit të mjetit.
Numri më i lartë i aksidenteve në këtë periudhë është kryer nga grup-mosha 35-44 vjeç, duke zënë 22,7 për qind të numrit të aksidenteve gjithsej.
Ndërkaq, aksidentet në këtë grup-moshë janë rritur me 11,1 për qind, krahasuar me të njëjtën periudhë të një viti më parë.
Mujin shkurt dhe mars, numri më i lartë i aksidenteve rrugore ka ndodhur ditëve të hëna dhe të enjte, ndërsa numri më i ulët i aksidenteve ka ndodhur ditëve të mërkura.
Ndërkohë, numri më i lartë i aksidenteve ka ndodhur gjatë harkut kohor 19:00-24:00 duke përbërë 29,5 për qind të numrit gjithsej të aksidenteve në muajin shkurt të vitit 2023.
Çfarë duhet bërë?
Pyetja që natyrshëm shtron secili prej nesh sa herë sheh një aksident të ndodhur, është ku qëndron problem?
I kujt është faji?
A ka Shqipëria mjaftushëm problematika dhe ku qëndron zgjidhja?
Për të gjitha këto pyetje “NewsZone”, ka kontaktuar me ekspertin e sigurisë rrugore, Fadil Likaj për të mësuar më shumë rreth zgjidhjeve dhe problematikave.
Likaj e sheh probleimin në tre elemtë, rruga ose investimi që duhet bërë në rrugë, drejtuesi I mjetit dhe mjeti.
Ai i mëshon fort edhe shklejes së rregullave nga drejtuesi, por nuk përjashton mundësitë e problematikave në rrugë.
“Aksidenti ndodh si pasojë e bashkëveprimit të tre faktorëve, rruga, drejtuesi i mjetit dhe mjeti. Secili ka pergjegjesine e vet të ndodhjes së aksidenteve. Në 2022, 80.3% e aksidenteve kanë ndodhur si pasojë e shkeljes së rregullave të qarkullimit rrugor nga drejtuesit e mjeteve. Duket qartë se drejtuesit e mjeteve në Shqipëri janë të papërgjegjshëm dhe lëvizin me shpejtësi tej normave të lejuara”.
Gjithashtu ndikim ne rritjen e numrit te aksidenteve kane përdorimi i celularëve gjatë drejtimit,rruge jashte standsrtit dhe mungesa e sinjalistikës horizontale apo vertikale.
Bashkëveprimi i mjetit me rrugën nuk është në kushtet e duhura dhe brenda standardit që duhet. Përdorimi i celularit është në masë. Qytetarët duhet të ndërgjegjësohen
Nga ana tjetër kemi dhe përdorimin e lëndëve alkoolike dhe psikotrope nga drejtuesit e mjeteve
Por më problem shikoje parakalimet e gabuara dhe rritjen e shpejtësisë në mënyrë të çrregullt larkalimet nga e djathta apo presioni me drita te gjata”, thotë Likaj për “News Zone”.
Ndryshime në Kodin Rrugor
Kuvendi miratoi ndryshime të rëndësishme në kodin rrugor, ku spikasin lehtësi e thjeshtime historike shërbimesh për qytetarët, me efekte të jashtëzakonshme kursimi e eliminimi angarish, si më poshtë:
Rinovimi i Leje Drejtimit të kategorive AM, A1, A2, A, B1, B dhe BE, çdo 15 vjet deri në moshën 70 vjeç! Pra kufizimet e afatit që nisnin nëse rinovoje LD pasi mbushje 50 vjeç (5/3/2 vite afat, në progresion zvogëlues) do të nisin nëse rinovon LD pasi ke mbushur moshën 70 vjeç! (Shembull: Fitoni për herë të parë Leje Drejtimi B kur jeni 18 vjeç, rinovoni LD kur jeni 33 vjeç, 48 vjeç, 63 vjeç e në rinovimin e moshës 78 vjeç nisin afatet e shkurtuara!)
Zgjatje në 70 vjeç, nga deri 65 që është, e të drejtës për Leje Drejtimi profesionale (me kufizim: Lejedrejtimet e kategorive C1, C1E, C, CE, D1, D1E, D dhe DE, janë të vlefshme për 5 vjet, nëse janë lëshuar apo konfirmuar për persona deri në moshën 70 vjeç; për personat mbi 65 vjeç: lejedrejtimi e kategorive C dhe CE lëshohet për drejtimin e mjeteve, masa e përgjithshme e të cilave, me ngarkesë të plotë, nuk është më shumë se 20 ton – lejedrejtimi e kategorive D1 ose D, apo D1E ose DE lëshohet vetëm për drejtimin e mjeteve shërbim taksi ose transport udhëtarë me mjet deri 8+1!)
Zgjatje e të drejtës për ushtrimin e profesionit të Instruktorit të Autoshkollës deri në 70 vjeç, nga 65 vjeç që është!
Qytetarët që u është anulluar Leje Drejtimi shqiptare për efekt konvertimi jashtë vendit, mund të rimarrin Leje Drejtimin shqiptare pa testim, drejtpërdrejt edhe nëse Leje Drejtimi e huaj ka skaduar, pasi e dorëzojnë atë dhe heqin dorë vullnetarisht prej saj.
Drejtori i përgjithshëm i shërbimeve të transportit rrugor Blendi Goxhja shpjegoi se si do te procedohet në këtë aspekt.
“Nuk i shtuam masave një tolerancë që përdoret në vendet e BE, ku lejohet që këta të përdorin mjete të fuqishme nën shoqërinë e prindërve apo familjarëve, sepse na mungon garancia. Prandaj zgjodhëm vetëm një kombinim fuqi-peshë, sepse rrezikshmëria lidhet me këtë ekuacion”, thotë Gonxhja.
Sipas tij të gjithë më pas duhet të kenë kujdes pasi në rast të ndalimit atëherë do të konsiderohet një shkelje e rëndë.
“Në rast se do të duam të marrim një mjet me qira, apo nga një shok, apo duhet të punojmë me një mjet të caktuar, duhet bërë kujdes që atyre që kanë patentat nga dy vitet e para, do të konsiderohen që janë duke ngarë një mjet pa patentë”, thotë Gonxhe.
Gjithashtu një risi tjetër është edhe zgjatja e vlefshmërisë e patentës deri në 15 vite. Lejet e drejtimit që janë drejt skandencës për t’u rinovuar përfitojnë vetëm pas rinovimit të lejes së drejtimit.
