TIRANË– Aeroporti Ndërkombëtar i Rinasit ka dalë ditën e sotme me një njoftim të rëndësishëm për të gjithë pasagjerët që do të flutorojnë nga ky aeroport ditën e nesërme. Për shkak të masave të rrepta të sigurisë të marra në kiuadër të Samitit BE-Ballkani Perëndimor që do zhvillohet nesër në Tiranë ku akset kryesore do të jenë të bllokuara Aeroporti njofton pasagjerët që duhet të jenë 4 orë përpara nisjes së fluturimit të tyre në Aeroport.
“TIA njofton që të gjithë pasagjerët të cilët kanë për të udhëtuar nga TIA në datë 6 dhjetor, janë të lutur që të jenë në aeroport 4 orë para fluturimit të tyre për shkak të masave të marra per samitin BE-Ballkani Perëndimor. Kjo prezencë kërkohet në mënyrë që pasagjerët mos të rrezikojnë humbjen e fluturimit të tyre”, shkruhet në njoftimin e TIA.
