Të paktën 16 persona kanë mbetur të vrarë në një sulm me raketa nga ushtria ruse në qytetin ukrainas Kostyantynivka.
Presidenti Volodymyr Zelensky tha se personat që humbën jetën ishin “njerëz që nuk bënë asgjë të keqe” dhe paralajmëroi se numri i viktimave mund të rritet.
Më tej Zelensky shtoi se kjo e keqe ruse duhet të mposhtet sa më shpejt të jetë e mundur. Autoritetet në Moskë ende nuk kanë komentuar mbi pretendimet.
Presidenti ukrainas tha se një treg, dyqane dhe një farmaci ishin goditur në qytetin lindor, i cili ndodhet afër fushëbetejës.
Videot që qarkullojnë në rrjetet sociale duket se tregojnë momentin e shpërthimit dhe pasojat grafike të tij.
