SHBA– Ambasadori i Shqipërinë në organizatën e Kombeve të Bashkuara Fetrit Hoxha është larguar nga mbledhja që po mbahej në Këshillin e Sigurimit, pasi Rusia nisi që të fliste për të drejtat e fëmijëve. Lajmi është konfirmuar nga vetë selia diplomatike në Kombet e Bashkuara. Në një njoftim zyrtar ambasada bën me dije se kjo erdhI pasi fjalimi i Rusisë ishte një provokim cinik, pasi përfaqësuesja e Rusisë, Maria Lvova-Belova kundërshtoi akuzat e bëra ndaj saj për rrëmbimet e fëmijëve ukrainas.
REAFIMI:
Shqipëria mori pjesë në ‘Arria-formula’. Por doli nga dhoma kur Maria Lvova-Belova, e paditur nga Gjykata Ndërkombëtare iu dha fjala, për të treguar kundërshtimin dhe refuzimin e saj për këtë provokim cinik, pasi nisi të fliste për “evakuimin” e fëmijëve ukrainas nga Ukraina në Rusi. Belova është nën urdhër arresti, e akuzuar për dëbim dhe transferim të paligjshëm të fëmijëve. Në vend që të ligjërojë në OKB për situatën e fëmijëve në Ukrainë, ajo duhet të paraqitet në një gjykatë për t’iu përgjigjur akuzave shumë të rënda të ngritura kundër saj.
